சவுரவ் கங்குலியின் சகோதரருக்கு கொரோனா, வீட்டு தனிமைப்படுத்தலில் கங்குலி

முன்னாள் இந்திய அணி கேப்டனும், தற்போதைய பிசிசிஐ தலைவருமான சவுரவ் கங்குலி கொரோனா வைரஸ் அச்சம் காரணமாக தனிமைப்படுத்தப்பட்டுள்ளார்.

சவுரவ் கங்குலி மேற்கு வங்க மாநிலம் பெகலாவில் உள்ள வீட்டில் வசித்து வருகிறார். அவரது மூத்த சகோதரரும் பெங்கால் கிரிக்கெட் சங்க இணை செயலாளருமான ஸ்னேகாசிஷ் கங்குலி , மொமின்பூரில் உள்ள வீட்டில் குடும்பத்துடன் வசித்து வருகிறார். இந்நிலையில், ஸ்னேகாசிஷ்-ன் மனைவி, மாமனார், மாமியாருக்கு கொரோனா தொற்று கண்டறியப்பட்டதால், சவுரவ் கங்குலியின் வீட்டுக்கு வந்து வசித்து வந்தார்.

இந்நிலையில், ஸ்னேகாசிஷ்க்கு கடந்த சில தினங்களாக காய்ச்சல் இருந்துள்ளது. இதனால் அவருக்கு கொரோனா பரிசோதனை செய்யப்பட்டதில் கொரோனா தொற்று உறுதியானது. இதனையடுத்து அவர் மருத்துவமனையில் அனுமதிக்கப்பட்டுள்ளார். அதேசமயம் அவருடன் தொடர்பில் இருந்த சவுரவ் கங்குலி வீட்டிலேயே தனிமைப்படுத்தப்பட்டுள்ளார்.

Leave a Reply

Your email address will not be published. Required fields are marked *