Day: July 31, 2020

எல்லை விவகாரத்தில் இந்தியாவுக்கு ஆஸ்திரேலியா ஆதரவு தெரிவிப்பு

சீனாவுடனான எல்லை தகராறில் பல உலக நாடுகள் இந்தியாவுக்கு ஆதரவான நிலைபாட்டை எடுத்துள்ளன.சமீபத்தில் இந்தியாவுக்கான ஆஸ்திரேலிய தூதர் பேரி ஒ ஃபேர்ரல் இந்திய வெளியுறவு அமைச்சர் சுப்ரமணியம் ஜெய்ஷங்கரை சந்தித்தார். இது குறித்து பேசிய அவர் எல்லை கட்டுபாட்டு பகுதியில் சீனா ஒருதலைபட்சமான வகையில் செயல்படுவதை ஆஸ்திரேலியா ஒருபோதும் ஒப்பு கொள்ளாது எனவும், படைகளை விலக்கி கொண்டு சுமுகமான முறையில் பிரச்சினையை முடித்து கொள்ள வேண்டும் எனவும் கூறினார்.

ஆந்திராவில் மதுவுடன் சானிடைசர் கலந்து குடித்த 10 பேர் பலி

ஆந்திராவில், மதுவுடன் சானிடைசர் கலந்து குடித்த 10 பேர் உயிரிழந்தனர். கொரோனா காரணமாக அமல்படுத்தப்பட்ட ஊரடங்கு காரணமாக மதுக்கடைகள் மூடப்பட்டதால், சிலர் போதைக்காக மாற்றுவழிகளை தேடி வருகின்றனர்.ஆந்திராவின் பிரகாசம் மாவட்டம் குரிசெடு கிராமத்தில் போதைக்காக, மதுவுடன் சிலர் சானிடைசரை கலந்து குடித்தனர். இதில் 10 பேர் உயிரிழந்தனர். அதில் 3 பேர் பிச்சைக்காரர்கள் என தெரியவந்துள்ளது. இது குறித்து போலீசார் விசாரணை நடத்தி வருகின்றனர்.